DAMOCRITA

DAMOCRITA

matrona Romana, Alcippi civis clarissimi uxor, quae cum virum ab iis, qui contrarias in Rep. partes fovebant, in exilium actum sequi prohiberetur, filiaequeve iam viro maturae edicto publico nubere vetarentur, ne ex iis quispiam Alcippi ultor nasceretur; concepit animo facinus supra omnem muliebrem audaciam. Nam cum ex more feminae primariae noctu sacrorum causâ convenissent, Damocrita a filiabus adiuta, magnam vim lignorum, quae ad sacrificia parata erant, ad fores congessit, ignemqueve iniecit, ut intus omnes exureret. Accurrentibus deinde auxilio viris, illa filias primum, deinde se ipsam interfecit. Plutarch. in Paral. c. 3. de narrat. amator.